De acordo co programa
BIBLIOTECAS ESCOLARES SOLIDARIAS, a bibliotecas escolares deben ser un espazo de convivencia e exercicio de
cidadanía solidaria ademáis dun punto de acceso aos recursos culturais.
Por conseguinte, a Escola Oficial de Idiomas de Pontevedra convídavos a formar parte do grupo
de colaboradores que de forma voluntaria participen na xestión e organización
da biblioteca, así como en actividades de extensión cultural ou formación de
usuarios, favorecendo a formación de actitudes de colaboración e de
solidariedade entre o alumnado no ámbito cultural.
Queres participar? Cubre a solicitude de
alumnado colaborador da biblioteca na conserxaría da Escola e entrégaa antes do
18 de xaneiro.
COMPROMISOS DA BIBLIOTECA
- Establecer un calendario de tarefas e supervisar o traballo dos voluntarios.
- Facilitar unha formación básica ao alumnado colaborador.
- Outorgar unha certificación de recoñecemento do traballo realizado (mínimo 15 horas durante o curso 2015/16).
- Achegar a cada voluntario unha acreditación que o identifique como tal.
COMPROMISOS DOS VOLUNTARIOS
- Realizar as actividades de colaboración acordadas co Equipo da Biblioteca.
- Participar nas actividades formativas.
- Actuar de forma responsable, eficaz e solidaria.
- Respectar os dereitos das persoas integrantes da comunidade escolar.
- Coidar e facer bo uso dos materiais e recursos da biblioteca.
CRITERIOS DE SELECCIÓN
- Compromiso solidario e interese nas bibliotecas escolares.
- Referencias positivas por parte dos profesores da Escola.
- Certa flexibilidade horaria para traballar co Equipo da Biblioteca.
A biblioteca da escola é de todos nós. Axúdanos a coidala!!
